Слонім
16 чэрвеня 2023 г.
16 чэрвеня 2023 года на тэрыторыі ДУА «Слонімскі цэнтр творчасці дзяцей і моладзі» ўдзельнікаў інтэрактыву «Гуляйце з намі – малюйце самі» чакала падрыхтаваная беларускімі мастакамі пляцоўка з новай гульнёй – «Цмок».
Дамаляваць яго практычна паспелі, а вось прайсці гульнявыя заданні не ўдалося – пачаўся дождж…
Цмок намок: толькі што нанесеная фарба расцяклася эфектнымі ручаямі, а гэта значыць, што творчыя мерапрыемствы з гульнёй на асфальце для слонімчан пад кіраўніцтвам мясцовага мастацкага калектыву паўторацца яшчэ раз!
Разам з тым шэраг фізічных і інтэлектуальных практыкаванняў, размешчаных на звілістым рознакаляровым полі ў выглядзе цмока, даступны для гульні і зараз.
Аўтар гульні: мастак Міхаіл Крот.
Мерапрыемства арганізавана ў рамках спартыўна-культурнага фестывалю «Вытокі».
Дата публикации: 20.06.2023